بۆچی سفر توان سفر ده‌كاته‌ یه‌ك له‌ پۆلی 12 زانستی؟

له‌م ڕۆژانه‌ پیاوچاكێك كتێبی بیركاری پۆلی 12 زانستی به‌شێوه‌ی pdf بۆ ناردم ( خوا خێری بنووسیت: هه‌مووتان بڵین ئامین ). ده‌ستمكرد به‌خوێندنه‌وه‌ی، له‌ له‌په‌ره‌ی 7 له‌لاته‌نیشته‌كه‌دا چاوم به‌ چوارگۆشه‌یه‌ك كه‌وت كه‌ له‌سوری نوسراوبوو { له‌بیرت بێت}، باشتره‌ خۆت وێنه‌كه‌ی ببینیت.

Screenshot 2014-11-28 12.18.24

باس له‌ ڕاده‌ی نه‌گۆڕ ده‌كات له‌ نه‌خشه‌ی ڕاده‌دار { ئه‌و ڕاده‌یه‌ی كه‌ هیچ گۆراوێكی تیادانیه‌ پیێی ده‌وتریت ڕاده‌ی نه‌گۆڕ} .

واباشتره‌ كه‌مێك باس له‌ نه‌خشه‌ی ڕاده‌داربكه‌م وه‌كو بیرهێنانه‌وه‌یه‌ك، شێوه‌ گشتیه‌كه‌ی نه‌خشه‌ی ڕاده‌دار به‌م جۆره‌یه‌:-

f(x)=a_n x^n + a_{n-1}x^{n-1} + \dotsb + a_2 x^2 + a_1 x + a_0

وه‌نابیت ئه‌وه‌مان له‌بیربچێت كه‌  a_0,a_1,\dots,a_n  هه‌موویان ژماره‌ی راستین \mathbb{R} وه‌ گه‌ر هه‌ڵه‌نه‌بم پێیانده‌وتریت هاوكۆلكه‌ی ڕاده‌كه‌، واته‌ هاوكۆلكه‌ی   ڕاده‌ی a_n x^n ده‌كاته‌ a_n. دیاره‌ تۆ ئه‌وه‌ ده‌زانیت كه‌ هه‌موو نه‌خشه‌یه‌ك سێ كۆمه‌له‌ی زۆر گرنگی هه‌یه‌، یه‌كه‌م كۆمه‌ڵه‌ پیێ ده‌وترێت بواری نه‌خشه‌، دووهه‌م بواری به‌رامبه‌ر سێهه‌م مه‌ودای نه‌خشه‌كه‌یه‌، یه‌كیك له‌تایبه‌تمه‌ندیه‌كانی نه‌خشه‌ ڕاده‌داره‌كان ئه‌وه‌یه‌ كه‌ بواره‌كه‌ی هه‌میشه‌ ده‌كاته‌ هه‌موو ژماره‌ ڕاستیه‌كان{ له‌زانكۆ ده‌كاته‌ شتێكی تر}، یانی ده‌توانیت به‌چاونووقاوی وه‌لامی ئه‌و پرسیاره‌ بده‌یته‌وه‌ گه‌ر له‌ ئیمتیحاندا هاته‌وه‌و ووتی بواری نه‌خشه‌یه‌كی ڕاده‌دار چیه‌.. به‌نیسبه‌ت بواری به‌رامبه‌ر كه‌مێك جیاوازه‌.. به‌لام به‌شێوه‌یه‌كی گشتی بواری به‌رامبه‌ریش ژماره‌ ڕاستیه‌كانه‌، واته‌ ده‌توانیت به‌كه‌یفی دڵی خۆت له‌جیاتی x ژماره‌ دابنیت و له‌وبه‌ره‌وه‌ ژماره‌یه‌كی نوێت ده‌ستبكه‌وێت. سه‌باره‌ت به‌ كۆمه‌له‌ی دووهه‌م كه‌ بواری به‌رامبه‌ره‌ كه‌ زۆر گرنگ نیه‌ وه‌ به‌شێوه‌یه‌كی گشتیش بواری به‌رامبه‌ری زۆربه‌ی نه‌خشه‌كان به‌ ژماره‌ راستیه‌كان داده‌نرێت.. به‌لام مه‌ودای نه‌خشه‌ی ڕاده‌داره‌كان كه‌میك فێلاویه‌ وه‌ گرنگه‌، وه‌ له‌ڕاده‌درێكه‌وه‌ ده‌گۆرێت بۆ ڕاده‌دریكی تر،، هه‌ندێك ڕاده‌دار هه‌یه‌ مه‌وداكه‌یان ده‌كاته‌ ژماره‌ ڕاستیه‌كان f(x)=2x، هه‌ندێكی تر ده‌كاته‌ به‌س ژماره‌ ناسالبه‌كان f(x)=x^2 , به‌لام ئه‌وه‌ی به‌لای منه‌وه‌ گرنگه‌ بۆ ئێره‌ ئه‌و نه‌خشانه‌یه‌ كه‌ مه‌وداكه‌یان ده‌كاته‌ ته‌نها یه‌ك ژماره‌ی دیاریكراو، وه‌ پیێیان ده‌وتریت نه‌خشه‌ی نه‌گۆر كه‌ جۆرێكیشه‌ له‌ نه‌خشه‌ ڕاده‌داره‌كان.

وه‌ ده‌كرێت ڕاده‌داری نه‌گۆڕ به‌م شێوه‌یه‌ بنوسین:-

f(x)=c, وه‌ گه‌ر سه‌رنج له‌ كتێبه‌كه‌ی پۆلی ١٢ زانستی بده‌یت ده‌لیت ده‌كرێت ڕاده‌ی نه‌گۆڕ به‌م شێوه‌یه‌ بنووسین  f(x)=c\times x^0 . ئێمه‌ بۆ ئاسانی وا داده‌نیت كه‌ c=1  واته‌ نه‌خشه‌ نه‌گۆڕه‌كه‌ به‌م شێوه‌یه‌ی لێدێت :-

f(x)=x^{0}

به‌لام له‌راستیدا ئه‌م نه‌خشه‌یه‌ خۆی به‌م شێوه‌یه‌ ده‌نوسرێت f(x)=1 ئێستا ئه‌م نه‌خشه‌یه‌ ڕاده‌داره‌، وه‌ بواره‌كه‌ی وه‌كو پێشووتر ئیشاره‌تمان بۆكرد ده‌كاته‌ هه‌موو ژماره‌ راستیه‌كان، واته‌ ده‌توانین به‌كه‌یفی خۆمان ژماره‌ دابنین، وه‌ تۆ هه‌رچ ژماریه‌ك له‌لای چه‌پ ده‌بنێیت ئه‌وا هیچ له‌لای ڕاست ناگۆرێت چونكه‌ نه‌خشه‌كه‌ نه‌گۆڕه‌ و، وه‌ گه‌ر بیرت هه‌بیت ژماره‌ ڕاستیه‌كان زۆر گه‌وره‌یه‌، وه‌ سفریش دانه‌یه‌كه‌ له‌ژماره‌ ڕاستیه‌كان، كه‌واته‌ ده‌توانین سفریش بخه‌ینه‌ ناو ئه‌م نه‌خشه‌یه‌وه‌ وه‌ ده‌بیت لای راست بكاته‌ 1.. چونكه‌ وه‌كو ووتمان نه‌خشه‌كه‌ نه‌گۆڕه‌ حه‌زده‌كه‌یت شه‌یتان بخه‌یته‌ ناوی هیچ له‌وبه‌ر ناگۆرێت { هه‌له‌به‌نم شه‌یتان دانه‌ نیه‌ له‌ ژماره‌ ڕاستیه‌كان كه‌واته‌ ناتوانین بیخه‌ینه‌ ناوی، سوری كاكه‌\داده‌!} . كه‌واته‌ پاش له‌جیاتیدانانی 0 له‌ هاوكێشه‌كه‌ی سه‌ره‌وه‌دا ئه‌مه‌مان ده‌ستده‌كه‌وێت:-

f(0)=x^0

1=0^0

كه‌واته‌ توانیمان ته‌نها به‌به‌كارهێنانی زانیاریه‌كه‌ی پۆلی 12ی  زانستی بیسه‌لمێنین كه‌ 0^0=1.

تێبینی:- له‌ كتێبی بیركاری پۆلی 8 دا ده‌لێت سفر توان سفر ناكاته‌ 1 . له‌ خواره‌وه‌ وێنه‌كه‌ خراوه‌ته‌وه‌..

10347628_747833015310328_2852856750694105606_n

ئێستا پرسیار ئه‌وه‌یه‌

ئایا كامیان ڕاسته‌ ؟ ده‌كاته‌ یه‌ك یاخود پێناسه‌نه‌كراوه‌؟

نازانم تۆ چون ئه‌مه‌ لێكده‌ده‌یته‌وه‌ ، به‌س هه‌ندێك بیركاریزان ده‌لین ده‌كاته‌ یه‌ك، وه‌ هه‌ندێكی تر ده‌ڵین پێناسه‌نه‌كراوه‌، وه‌ هه‌ریه‌كه‌و به‌لگه‌ی خۆی هه‌یه‌. به‌لام ڕاستیه‌ك هه‌یه‌ لێره‌دا، ئه‌ویش زۆربه‌ی بیركاریزانه‌كان ڕێكه‌وتوون له‌سه‌ر ئه‌وه‌ی بكاته‌ یه‌ك { ڕێكه‌وتتن جیایه‌ له‌ سه‌لماندن} ، هۆكاری ڕێكه‌وتنه‌كه‌یش ده‌گه‌رێته‌وه‌ بۆ هه‌ندێك شت، یه‌كێك له‌م شتانه‌ بیردۆزی باینۆمیه‌ل (Binomial Theorem) بۆ ئه‌وه‌ی ڕاست بیت پێویسته‌ سفر توانی سفر بكاته‌ ١…

كه‌واته‌ چی فێربووین له‌مه‌وه‌؟

مه‌رج نیه‌ له‌بیركاری هه‌موو شت وه‌لامێكی ئاشكراو روونی هه‌بیت، به‌لكو هه‌ندێك جار به‌ ڕێكه‌تن شتێك داده‌نین { هه‌روه‌ك ئه‌وه‌ی ئایا سفر له‌ ژماره‌ سروشتیه‌كانه‌ یان نا؟ }. واته‌ میزاج و زه‌وق هه‌ندێكجار ده‌ورده‌بینیت.

Advertisements

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s