بۆچی ئه‌و هه‌موو خوێندكاره‌ كه‌وتوون؟

به‌شی یه‌كه‌م

-١-

له‌م ڕۆژانه‌ هاورێیه‌كم باسی زانكۆی سلێمانی بۆ كردم كه‌ كاره‌سات ڕویداوه‌، ئه‌ویش له‌ زیاتر له‌ ١٠٠ قوتابی قۆناغی یه‌كه‌م ته‌نها ٤ قوتابی ده‌رچوون كه‌ ٣ له‌و ٤  یش دوو ساڵه‌ بوون، به‌مانایه‌كی تر رێژه‌ی ئه‌و قوتابیانه‌ی كه‌ سالی یه‌كه‌میانه‌ له‌ به‌شی بیركاری و ده‌رچوون به‌نزیكه‌یی ده‌كاته‌ %1.

پێش ئه‌وه‌ی قسه‌ له‌سه‌ر ئه‌م ڕووداوه‌ بكه‌م ده‌بێت باسی سێ راستی بكه‌م، یه‌كه‌م ئه‌مه‌ یه‌كه‌مجار نیه‌ ئه‌مه‌ رووبدات، پێشتر له‌ ساڵه‌كانی 1999 له‌ زانكۆی سه‌لاحه‌دین هه‌مان شت رویداوه‌. دووهه‌م شت ئه‌وه‌یه‌ هه‌میشه‌ ڕێژه‌ی ده‌رچوون له‌ بیركاری كه‌مه‌ به‌تایبه‌ت قۆناغی یه‌كه‌م. سێهه‌م ئه‌مه‌ رێژه‌ی كۆتایی ده‌رچوون نیه‌ به‌دڵنیاییه‌وه‌ خولی دووهه‌م رێژه‌كه‌ زۆر به‌رزده‌بێته‌وه‌.

سه‌ره‌ڕای هه‌موو ئه‌م هۆكارانه‌ی سه‌ره‌وه‌؛ ئه‌م ڕێژه‌یه‌ كاره‌ساته‌ بۆ هه‌موو لایه‌ك، كاره‌ساته‌ بۆ قوتابی و دایك و باوكی كه‌ به‌و گرانیه‌وه‌ منداڵه‌كانیان ده‌نێرن بۆ زانكۆ تا داوای ٤ سالی تر خوێندن ته‌واو بكات بتوانێت له‌رووی ئابوریه‌وه‌ سه‌ربه‌خۆ ببیت و كه‌مێك باری ماددیان له‌سه‌ر شان قورسبكات وه‌ زه‌حمه‌تیشه‌ بۆ قوتابی كه‌ هه‌فته‌ی ٥-٦ رۆژ بچێته‌ زانكۆ دواتریش به‌ ریزیك سفره‌وه‌ وه‌لامی پرسیاری خه‌لك بداته‌وه‌ كاتێك لێی ده‌پرسن چۆن بۆیت ئه‌مساڵ؟

به‌بۆچونی من،به‌شی بیركاری و سه‌رۆك به‌شه‌كه‌یش پشكی شێریان به‌رده‌كه‌وێت له‌م شه‌رمه‌زاری په‌روه‌رده‌ییه‌، یه‌كه‌م له‌به‌ر ئه‌وه‌ی ساڵێكی ڕێك ٨-١٠ مامۆستا ده‌چێته‌ ژووره‌وه‌ وه‌ له‌ كۆتایی ساڵ ته‌نها ٤ قوتابی ده‌رده‌چێت، یانی به‌كوردیه‌كه‌ی هه‌ر دوو مامۆستایه‌ك و ته‌نها یه‌ك قوتابی ده‌رچوویان به‌رده‌كه‌وێت، دڵنیام گه‌ر من مامۆستابم ڕووی ئه‌وه‌م نابێت لای خه‌لكی ئه‌كادیمی بڵێم یه‌ك ساڵ ده‌رسم به‌ ١٠٢ قوتابی ووت وه‌ ته‌نها ٤ ده‌رچون وه‌ گه‌ریش شانازیم به‌وه‌وه‌ كرد كه‌ ژماره‌یه‌كی زۆر قوتابی كه‌وتووه‌ ئه‌وه‌ له‌رووی ئه‌خلاقی پیشه‌ییوه‌ جێگای پرسیاره‌. گرنگ نیه‌ چه‌ندیش زیره‌كبێت چونكه‌ دواجار مامۆستا گه‌ر قوتایبه‌كانی خراپیش بن ئه‌وا ده‌بێت خه‌فه‌ت بخوات و بیر له‌ ڕێگه‌چاره‌ی گونجاو بكاته‌وه‌ نه‌ك شانازی كردن.

سه‌رۆكی به‌ش به‌ ده‌ره‌جه‌ی یه‌ك به‌رپرسه‌، یه‌كێك له‌ ئه‌ركه‌كانی سه‌رۆكی به‌ش چاودێریكردنی ڕه‌وشی ناو پۆله‌ له‌گه‌ل خۆ ئاماده‌كرن بۆ پێشهاته‌كان، برواناكه‌م ئه‌م نه‌تیجه‌یه‌ موجائه‌ بووبێت بۆ سه‌رۆكی به‌ش، بۆیه‌ من ده‌پرسم له‌ به‌رێز سه‌رۆكی به‌ش: ئایا چه‌ند جار له‌ گه‌ل قوتابیه‌كانی پۆلی یه‌كدا كۆبیوته‌وه‌ وه‌ ئاگادارتكردنه‌وه‌ كه‌ له‌وانه‌یه‌ هه‌موویان بكه‌ون گه‌ر باری خۆیان چاك نه‌كه‌ن؟ وه‌ ئایا چه‌ند جار له‌ گه‌ل مامۆستاكانی دانیشتوه‌ تاوه‌كو بریار له‌سه‌ر ئه‌وه‌ بده‌ن كه‌ به‌ چ جۆرێك هاوكاری قوتابیه‌كان بكه‌ن؟ هاوكاری مه‌به‌ستم له‌ ده‌ره‌جه‌ به‌خشینه‌وه‌ نیه‌ به‌لكو به‌ ته‌رخانكردنی كاتی زیاتره‌ بۆ ته‌له‌به‌كان و له‌گه‌ل گفتوو گۆكردن سه‌باره‌ت به‌ هێنانه‌وه‌ی  پرسیاری گونجاو.

سه‌رۆكی به‌ش جگه‌ ده‌بێت وه‌كو چه‌ترێك بێت كه‌ قوتابی و مامۆستاكان پێكه‌وه‌ له‌ ژێریدا كۆبنه‌وه‌، ئه‌ركی تری وه‌كو به‌خشینه‌وه‌ی نه‌خۆشی نه‌فسی نیه‌ به‌سه‌ر قوتابیه‌كاندا گه‌ریش شتی وا هه‌بوو ئه‌وا ئه‌ته‌كیه‌تی مامۆستایه‌كی پێمانده‌ڵێت نابێت كه‌موو كورتی شه‌خسی قوتابی ببینه‌ ده‌ره‌وه‌ جا چی له‌ ته‌له‌فزیونیش باسی بكه‌ین، دواتریش پێم سه‌یره‌ ئه‌و دكتۆره‌ به‌رێزه‌ كه‌وتووه‌ هه‌له‌ی هه‌مان ئه‌و كه‌سانه‌ی كه‌ خوێندنی بیركاری و نه‌خۆشی ده‌روونیان پێكه‌وه‌ گرێداوه‌ له‌ كاتێكدا هیچ كه‌سێك هێنده‌ی قوتابی به‌شی بیركاری ته‌ندروست ناژی { زۆر كه‌م جگه‌ره‌ كێشی تیادا هه‌ڵده‌كه‌وێت}، چونكه‌ دواجار ئه‌و دكتۆراكه‌ی له‌ بواری بیركاریدا هێناوه‌ وه‌ مافی نیه‌ لێدوان له‌سه‌ر باری ته‌ندروستی ده‌روونی قوتابیه‌كان بدات. من له‌و به‌رێزه‌ ده‌پرسم كێ هه‌یه‌ له‌ كوردستان كێشه‌ی ده‌روونی نه‌بێت گه‌ر كێشه‌ی ده‌روونی توره‌بوون و هه‌ڵچوون و كه‌م تاقه‌تی بێت، ئه‌م قسانه‌ بۆ ئه‌وه‌ نیه‌ بیانوو بۆ نه‌خوێندنی قوتابی بهێنمه‌وه‌ به‌لكو مه‌به‌ستمه‌ له‌ سیاقی كێشه‌كه‌ ده‌رنه‌چین و بوعدی تری نه‌ده‌ینێ.

یه‌كێك له‌نموونه‌ كۆمیدیه‌كانی یه‌كێك له‌سه‌رۆك به‌شه‌كانی بیركاری له‌ كوردستان ئه‌وه‌یه‌ كه‌ ناهێڵێت قوتابیه‌ كچه‌كانی پانتۆڵ له‌به‌ربكه‌ن. مه‌به‌ستی من ئه‌وه‌ نیه‌ كه‌س بشكێنمه‌وه‌، به‌لام سه‌رۆكی به‌ش نابێت خۆی به‌كێشه‌ی لاوه‌كیه‌وه‌ خه‌ریك بكات و ته‌داخولی ژیانی تایبه‌تی قوتایبه‌كانی بكات، سه‌رۆكی به‌ش ده‌بێت به‌باشترین شێوه‌ هه‌وڵبدات ئاستی زانستی و رۆشنبیری قوتابیه‌كانی به‌رزبكاته‌وه‌، ئاستی زانستی به‌وه‌ به‌رزده‌بێته‌وه‌ كه‌ باشترین مامۆستایان بۆ دابنێت وه‌ له‌ نزیكه‌وه‌ ئاگای له‌ قوتابیه‌كان بیت، وه‌ ئاستی رۆشنبیری به‌وه‌ به‌رزده‌بێته‌وه‌ كه‌ هه‌وڵبدات به‌شه‌كه‌یان زنیندوو بێت به‌وه‌ی هه‌میشه‌ سیمینار و كۆر هه‌بێت بۆ قوتابیانی به‌كه‌له‌ریۆس.

نموونه‌یه‌كی باشم له‌به‌رده‌سته‌ له‌سه‌ر یه‌كێك له‌سه‌رۆك به‌شه‌كان. چه‌ند مامۆستایه‌ك هه‌بوون له‌ زانكۆ كه‌ به‌هۆی حیزبه‌وه‌ ماسته‌ریان وه‌رگرتبووه‌، سه‌رۆك به‌ش هه‌میشه‌ نه‌یده‌هێشت ئه‌و مامۆستایانه‌ ده‌رسی بیركاری بڵێنه‌وه‌ چونكه‌ ده‌یزانی كاره‌سات رووده‌دات، ئه‌و سه‌رۆك به‌شه‌ خه‌می قوتابیه‌كانی بوو لێره‌وه‌ ده‌ستخۆشی له‌و ده‌كه‌م.

-٢-

پێم خۆشه‌ كه‌مێك له‌سه‌ر هۆكاری ئه‌وه‌ بدوێم بۆ هه‌میشه‌ قوتابی قۆناغی یه‌كه‌م خراپن له‌ بیركاری.

هۆكاری یه‌كه‌م: له‌ده‌ستدانی متمانه‌ به‌خۆبوون

یه‌كێك له‌ گرنگترین هۆكاره‌كان خۆشباوه‌ری قوتابیه‌ به‌ ئاستی خۆی له‌ بیركاری، مه‌به‌ست وا ده‌زانێت گه‌ر هاتوو له‌ پۆله‌كانی ئاماده‌یی ١٠٠ بهێنێت ئه‌وا له‌ زانكۆ باشده‌بێت، ده‌مه‌وێت ئه‌وه‌ بڵێم كه‌ وانیه‌، سروشتی بیركاری قوتابخانه‌ و زانكۆ ١٨٠ پله‌یان فه‌رقه‌، بیركاری قوتابخانه‌ زیاتر وه‌كو ئه‌لگۆریزم وایه‌ یانی شته‌كان دیارن ته‌نها تۆ دێیت و جێ به‌جیان ده‌كه‌یت یاسایه‌كت هه‌یه‌ و جێ به‌جییده‌كه‌یت. به‌لام زانكۆ وانیه‌، زانكۆ كۆنسێپچوه‌ڵه‌(بیرۆكه‌یی) واته‌ په‌یوه‌ندی به‌ تێگه‌یشتنی قوڵه‌وه‌ هه‌یه‌، جگه‌له‌وه‌ی زانكۆ زیاتر میتۆدی-سه‌لماندنه‌، نه‌ك میتۆدی-شیكاركردن كه‌ له‌ قوتابخانه‌ ده‌یخوێنیت. پرسیاری بیركاری له‌ ئاماده‌یی سه‌ر و كلكی دیاره‌، به‌لام پرسیاری بیركاری له‌  زانكۆ نه‌ سه‌ره‌كه‌ی دیاره‌ نه‌ كلكه‌كه‌ی وه‌ گه‌ریش سه‌ره‌كه‌ی دیاربێت هیچ گره‌نتیه‌ك نیه‌ كه‌ كلكه‌كه‌یت ده‌ستبكه‌وێت.. مه‌به‌ستم له‌وه‌ نیه‌ قورسه‌ به‌لكو مه‌به‌ستم له‌وه‌یه‌ كه‌ چاوساغیه‌كی باشی ده‌وێت.چاوساغیش چۆن په‌یدا ده‌بێت ئه‌وه‌ مه‌سه‌له‌یه‌كی تره‌؟

قوتابی كه‌ له‌ ئاماده‌ییه‌وه‌ دێت و به‌ ده‌ره‌جه‌یه‌كی باشه‌وه‌ له‌ بیركاری و له‌ یه‌كه‌م تاقیكردنه‌وه‌ ده‌كه‌وێت ئیتر ووره‌ی ده‌رووخێت و زۆرێك جارێكی تر هه‌ڵناسنه‌وه‌، له‌كاتێكدا شكستهێنان له‌ بیركاری شتێكی سروشیه وه‌ كه‌م ته‌له‌به‌ی ئه‌وائیل یان دكتۆراه یان ماسته‌ر هه‌یه‌ كه‌ نه‌كه‌وتبن! هه‌موو كه‌وتون به‌لام هه‌ڵستاونه‌وه‌… بۆیه‌ ئاساییه‌ بكه‌ویت به‌لام ئاسایی نیه‌ هه‌ڵنه‌سیته‌وه‌، زۆرێك هه‌ڵناستنه‌وه‌ چۆنكه‌ ئه‌وه‌ ئاسانتره‌ له‌ كاتێكدا عاقیبه‌ته‌كه‌ی قورستره‌.

هۆكاری دووهه‌م: جیاوازی پرۆگرامی بیركاری نێوان زانكۆ و قوتابخانه‌

هۆكارێكی تر خراپبوونی قوتابی جیاوازی پرۆگرامی بیركاریه‌ له‌نێوان زانكۆ وه‌ قوتابخانه‌، قوتابی زانكۆ ده‌ناسم ( مامۆستای زانكۆیش ده‌ناسم) كه‌ له‌ ژیانیدا كتێبێكی بیركاری ئینگلیزی نه‌گرتووه‌ به‌ ده‌ستیه‌وه‌، خه‌لك ناخوێنێته‌وه‌ ، هه‌رگیز هه‌رگیز ئه‌و موحازاره‌نه‌ی مامۆستا كافی نیه‌، مامۆستای زانكۆ نه‌ك له‌ كوردستان به‌لكو له‌ هه‌موو دونیا ته‌نها سه‌ره‌ داوێكت ئه‌داتی ئیتر ده‌بێت خۆت دوای بكه‌وێت. قوتابی زانكۆ ده‌بێت فزوڵ بیت، ده‌بێت له‌رووی گه‌ران به‌دوای زانیاری بیركاری نه‌وسن بێت، قوتابی بیركاری ده‌بێت ده‌می درێژ بێت كاتێك دێته‌ سه‌ر قسه‌ كردن له‌سه‌ر زانستی بیركاری. قوتابی بیركاری+مامۆستای بیركاری ناوی چوار زانانی بیركاری و داهێنانه‌كانیان نازانن. مه‌به‌ست تۆ چۆن ده‌رده‌چێت له‌ بیركاری له‌ كاتێكدا بیركاری نه‌بووه‌ته‌ به‌شێك له‌ ژیانت.

هۆكاری سێهه‌م:بیركاری گرانه‌

وه‌كو پێشتر له‌ پۆستێكدا باسم كردووه‌ بیركاری گرانه‌، به‌لام گرانه‌ شتێكی نیسبیه‌، گرانه‌ مه‌به‌ست ئه‌وه‌ نیه‌ كه بێم خه‌لك دابه‌ش بكه‌م بڵێم ئه‌مانه‌ له‌ بیركاری باشن و ته‌واو وه‌ ئه‌وانی تریش ئیتر له‌ بیركاری خراپن و ته‌واو. ئه‌وه‌ قسه‌ی من نیه‌ وه‌ ناشبێت، ئه‌وه‌ قسه‌ی كه‌سانێكی نه‌خۆشه‌ كه‌ دونیا دابه‌ش ده‌كه‌ن بۆ خێر و شه‌ر ، باش و خراپ، پیس و پاك.

باشی و خراپی له‌ بیركاری فه‌زی (fuzzy) و به‌رده‌وامه‌ نه‌ك (discrete) … واته‌ هه‌یه‌ باشه‌ هه‌یه‌ تۆزێك له‌و باشتره‌، به‌لام ئه‌مه‌ گرنگ نیه‌، گرنگ ئه‌وه‌یه‌ به‌خوێندن هه‌موو كه‌س باش ده‌بێت، به‌لام پرسیاره‌كه‌ له‌وه‌دایه‌ چ جۆره‌ خوێندنێك؟

به‌شی بیركاری له‌ به‌شی پزیشكی گرانتره‌، به‌شی بیركاری له‌ هه‌نده‌سه‌ی مه‌ده‌نی و میعماری و زمانی ئینگلیزی گرانتره‌، به‌شی بیركاری و به‌شی ئه‌ندازیاری میكانیك له‌سه‌رجه‌م به‌شه‌كانی تر گرانتره‌ گه‌ریش باوه‌رناكه‌یت برۆ بپرسه‌. دیاره‌ مه‌به‌ستم ئه‌وه‌ نیه‌ بلیم بیركاری باشتره‌،، وه‌كو وتتم باوه‌ره‌م به‌ ڕه‌ش و سپی نیه‌،دونیا به‌و جیاوازیه‌وه‌ جوانه‌.

هۆكاری گرانی بیركاری ئه‌وه‌ نیه‌ كه‌ ده‌بێت موعه‌ده‌ڵ سه‌رت له‌سه‌ر كتێب بێت، گرانی بیركاری له‌ تێگه‌یشتنی قولدایه‌ . تۆ له‌ زانكۆ پزیشكیه‌كان گه‌ر هاتوو ده‌رخیاتت باش بوو ئه‌وا یه‌كه‌م ده‌بیت، به‌لام ئه‌مه‌ له‌ بیركاری ناخوات. له‌ بیركاری ده‌بێت هه‌میشه‌ مێشكت له‌ بیركردنه‌وه‌دابێت. بیركاری زانستی ئه‌بستراكته‌، یانی تۆ بیر له‌ شتێك ده‌كه‌یته‌و كه‌ وجودی نیه‌ له‌ خاریجی مێشكی مرۆڤدا ، بۆیه‌ ئاسان نیه‌ حالیبوون لێێ، به‌لام كه‌ حالیبوویت ئیتر كه‌س ناتوانێت لێتی بستێنیت. ئه‌م قسه‌یه‌ی سه‌ره‌وه‌ بۆ ئه‌وه‌ نیه‌ تۆ بیانوو بۆ ده‌رنه‌چوون بهێنیته‌وه‌ ، به‌لكو بۆ ئه‌وه‌ی حالیبببیت بۆچی ئه‌و هه‌موو خوێندنه‌ ده‌كه‌یت كه‌چی هێشتا ده‌رناچیت!

مه‌به‌ست له‌م قسانه‌م ئه‌وه‌یه‌ كه‌ هه‌وڵی تێگه‌یشتن بده‌یت له‌ وانه‌كان له‌رێگه‌ی بیركردنه‌وه‌ی قوله‌وه‌ وه‌ كه‌متر پشتبه‌ستن به‌مامۆستا وه‌ ده‌رخیات { به‌لی خه‌لك هه‌یه‌ له‌ به‌شی بیركاری بیردۆز ده‌رخ ده‌كات}. وه‌ كه‌متر گله‌یكرن له‌ وه‌ زیاتر گله‌یی كردن له‌ خۆت. بیرم دێت رۆژێك له‌ كیوزێك ده‌رنه‌چووم گریام به‌لام دواتر له‌ ئیمتیحانه‌كه‌ ده‌ره‌جه‌ی ته‌واوم هێنا پێده‌كه‌ینم… تۆیش ده‌بێت ئه‌وها بیت ده‌بێت وه‌كو كه‌سێك كه‌ وه‌رزش ده‌كات هه‌میش دوا توانستی خۆت تاقیبكه‌یته‌وه‌ وه‌ هه‌میشه پاڵ به‌سنوری بیركردنه‌وه‌ی خۆته‌وه‌ بنێیت تاوه‌كو مه‌ودای تێگه‌یشتنت فراوانتربێت.

Advertisements

One thought on “بۆچی ئه‌و هه‌موو خوێندكاره‌ كه‌وتوون؟

  1. دەست خۆش ملمۆستا قسەکانت هەمووى لە جێ خۆیەتى,
    لە پراگرافى چوارەم ئاماژەت بە سەرۆک بەشەکان کردووە… ئەوە زۆر ڕاستە , من لە سەعاتى یەکەمى دەست پێ کردنى دەوام سەرۆک بەش ئاماژەى بە هەموو شتێک دا بۆ ئەوەى لە کۆتایى هەڵە نەخەنە سەر هیچ کەسێک جگە لەخۆمان
    وە هەر وەها مامۆستاکانیش ئاماژەیان بەوە دا…

    لە هۆکارى دووەم نووسیووتە (یه‌كێك له‌ گرنگترین هۆكاره‌كان خۆشباوه‌ری قوتابیه‌ به‌ ئاستی خۆی له‌ بیركاری، مه‌به‌ست وا ده‌زانێت گه‌ر هاتوو له‌ پۆله‌كانی ئاماده‌یی ١٠٠ بهێنێت ئه‌وا له‌ زانكۆ باشده‌بێت) ئەوە زۆر زۆر ڕاستە , چونکە من هاوڕێم هەیە ١٠٠ هەبوو لە پۆلى شەشى ئامادەیى کەچى ئەوساڵ ٥ دەرس کەوت هەرسێ وانە بیرکارییەکەشى لەگەڵ بوو….

    ئەو قسانەم زۆر بەدڵ بوو ((قوتابی زانكۆ ده‌بێت فزوڵ بیت، ده‌بێت له‌رووی گه‌ران به‌دوای زانیاری بیركاری نه‌وسن بێت، قوتابی بیركاری ده‌بێت ده‌می درێژ بێت كاتێك دێته‌ سه‌ر قسه‌ كردن له‌سه‌ر زانستی بیركاری. قوتابی بیركاری+مامۆستای بیركاری ناوی چوار زانانی بیركاری و داهێنانه‌كانیان نازانن. مه‌به‌ست تۆ چۆن ده‌رده‌چێت له‌ بیركاری له‌ كاتێكدا بیركاری نه‌بووه‌ته‌ به‌شێك له‌ ژیانت.))
    مامۆستا من بە سەراحەت قسە دەکەم نەبێتە مەحتکردنێکى خۆم ,کاتێک لە ڕێستەکان لەگەڵ یەک یان دوو قوتابى لەسەر تەختە موناقەشەى پرسیارمان دەکرد , دەیان وت بەخوا بێ اخبارن !!! یانى پێکەنینیان دەهات, یان من خودى خۆم زۆر بایەخم بە مەلزەمەکان دەدا دەم کردنە سپایرۆڵ یانى زۆرم خۆش دەویستن 🙂 , پێان دەوتم بۆ مزگەوتى دەکات ! بەڵام لە ئاخیر سال خۆیان بینییەوە کە کێ بێ اخبارە.. ئەوەش هۆکارەکەى دەگەرێتەوە بۆ قوتابى لەو کاتە

    ئەو برگەیە نوسیووتە (هۆكاری گرانی بیركاری ئه‌وه‌ نیه‌ كه‌ ده‌بێت موعه‌ده‌ڵ سه‌رت له‌سه‌ر كتێب بێت، گرانی بیركاری له‌ تێگه‌یشتنی قولدایه‌ .)) بەڵێ زۆر ڕاستە , هاوڕێم هەیە دەڵێت ئەوەى ناو مەلزەمە هەمووى دەزانم حەل بکەم یانى بە کوردى فشەى پێ دێت بەڵام لە امتیحان ناجح نەبوو چونکە لە کۆى ٧ پرسیارى کۆتایى سال تەنیا یەک پرسیار لە ناو مەلزەمەکە هاتەوە….. هۆکارى کەوتنیشى خۆى گوتى کە فکرەى ئەو پرسیارانەم نەبوو کە هاتبۆوە من تەنیا فکرەى پرسیارى ناو مەلزەمەکەم دەزانى.

    لە ئاخیر فەقەرە نوسیووتە ( بیرم دێت رۆژێك له‌ كیوزێك ده‌رنه‌چووم گریام به‌لام دواتر له‌ ئیمتیحانه‌كه‌ ده‌ره‌جه‌ی ته‌واوم هێنا پێده‌كه‌ینم) ئەوەش شتێکى بیرهێنامەوە هەر وەک باسم کرد لەسەعاتى یەکەمى دەوام کە سەرۆک بەش قسەى بۆ کردین گوتى(ئێستە بگرین دواتر پێ دەکەنن) نەک بە عەکسەوە .
    زۆر سوپاس … هیواى سەرکەوتن بۆ هەموو خوێندکاران

    لایک

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s